بالفيديو:تامر أمين:شرف بنتى أغلى من العلم

 

تامر امين
استنكر الإعلامي المصري تامر أمين واقعة التحرش التي حدثت بجامعة القاهرة أمام كلية الحقوق، والتي وصفها بالواقعة المخزية.
تامر ألقى اللوم على الفتاة، مشيرا إلى أن ملابسها لا تصلح للجامعة، حيث قال –في برنامجه «من الآخر» على قناة «روتانا مصرية»: «بنوتة في كلية الحقوق رايحة لابسة لبس مالهوش علاقة لا بطالبة ولا ببنت، مش عارف الحقيقة أسميه إيه، ده لبس رقاصات، لبس خارج، لبس مستفز، لبس مثير، لبس يكشف أكثر ما يغطي، يفتن أكثر ما يستر، لبس شراشيح».

وأضاف: «البنت ماشية تتهشك شافوها الطلبة التعبانين المكبوتين واتجمعوا حواليها وعملوا عليها دايرة، الجامعة مطلعة بيان ماسخ بتقول إن اللبس حرية شخصية، ده لما يكون في الشارع وفي الكباريهات، لكن داخل الأماكن اللي بتشرف عليها الدولة زي الحرم الجامعي لأ مينفعش، وإزاي الأمن يدخل واحدة زي دي، والطلبة غلطانين طب يا سيدي متغضش البصر بص النظرة الأولى، لكن ما توصلش إنك تتهجم عليها حتى لو عريانة».

وتابع: «ما ينفع شدي تبقى الجامعة، ولو كنتوا عايزين الحكاية تمشي كده بدواعي الحريات، خلاص أنا شخصيا مش هودي بناتي الجامعة، لأن شرف بنتي واحترامها وأدبها قبل العلم، إن شاالله عنها ما اتعلمت، وأوجه كلامي لرئيس الوزراء شوفلك صرفة، الجامعات تنفلت، بقى فيها كل حاجة، بلطجة وإرهاب وشغب وحرق وصفاقة وتحرش وبوادر اغتصاب، عايزين إيه تاني؟!».

الكلمات الدليلية :

مقالات متعلقة