نشرت الإعلامية المصرية رولا خرسا صورة من حفل تخرج ابنتها هيا الميناوي، باعثة إليها برسالة مؤثرة، تؤكد فيها أنها فخورة بها جدا.
رولا أكدت أنها لم تكن يوما أما كلاسيكية لابنتها، حيث قالت: «أنا عارفه إني مش أم كلاسيكية.. يعني عمرك ما حتقدري تقولي لي زي محمود درويش “احن إلى خبز أمي” أنا ما بطبخش أصلا.. ولا أنا من نوعيه الأمهات اللي بتقعد تذاكر لأولادها طول الليل.. أنا احكي حواديت اقرأ أتفرج على أفلام ،مرجعكم في السينما».
وأضافت: «بس كل ما افتكر ازاي وأنتي عندك ٣ سنين في الحضانة كنت الوحيدة اللي حافظة قرآن ورغم كده عطيتي وخفتي تطلعي على المسرح واستخبيتي ورايا.. وأقارن بين المشهد دا وامبارح وأنتي قاعدة على المسرح واثقة مبتسمة أحس أد إيه اتغيرتي..لسه عنيدة، (يا ترى طالعة لمين؟) لسه حساسة.. لسه بتتكسفي.. بس بقيتي أقوى لدرجة انك أنتي اللي بتاخديني في حضنك وبتقولي لي: “أنا اللي مامتك وأنتي طفلة عندك ٤ سنين عمرك ما حتكبري».
واختتمت رسالتها لابنتها، على حسابها الخاص على موقع «الفيس بوك»، بقولها: «هيا أو بالأصح زوزو.. أنا فخورة بيكي جدا وبحبك أوي.. ربنا يحميكي ويحفظك..ويحنن دايما قلبك عليا».
Comments are closed.