أسهل طريقة عمل لعمل شيكولاته النوتيلا فى المنزل
الشيكولاتة سهلة الفرد كلنا بنحبها وخصوصا اطفالنا الحلوين بس الحلو ميكملش لانها غالية وبتخلص بسرعة بس معانا سيدتي مفيش مستحيل وزى ما اتعودنا اى حاجة نفسكم فيها برة البيت هانعلمكم تعملوها فى البيت وتبقي مضمونة ومن ايدك لايد ولادك على طول
طريقة عمل شيكولاته ( النوتيلا) فى المنزل
المقادير:
3\2 كوب بندق مقشر ومحمص
3\2 كوب لبن مكثف محلى
2\1 كوب شكولاتة بالحليب
3 معالق عسل ابيض
3 معالق زبدة لينة
الطريقة:
اطحنى البندق المحمص ناعم جدا
ذوبى الشيكولاتة فى حمام بخار
بعد ذوبان الشيكولاتة ضيفى عليها الحليب المكثف وقلبيهم جيدا مع بعض
اخلطى البندق المطحون مع الزبدة والعسل الابيض جيدا فى الكبة
ضيفى الشيكولاتة بالحليب المكثف مع مزيج البندق والعسل والزبدة
كررى طحنهما معا حتى يصبحوا مثل الكريمة
احضرى برطمان نظيف وجاف واسكبى الشيكولاتة فية واحكمى غلقة وضعيها فى الثلاجة
بعد دخولها الثلاجة يصبح قوامها سميك نوعا ما وسهلة الفرد
Comments are closed.