إيحاءات من أبو حفيظة خلال حديثه عن الفرق بين “الأصحاب”

عرض الإعلامي أكرم حسني، في برنامجه “أسعد الله مسائكم”، مسألة الفرق بين الصاحب والأنتيم، وقدم نصائح صداقة للفتيات والشباب، فقال، صاحبك الذي يبعث بوينت عبر الواتس آب لن تسمعها إلا بالسماعة، صاحبك الأمين الذي تعطيه فلاشة فلا يعيدها وعليها فيرس، صاحبك الجدع هو من يتعرف على بنت فيعرفك على أنتيمتها، صاحبك اللي كان معاك من إبتدائي بيكلمك عشان تدخل معاه كيو نت.

وتابع قائلًا: أهم دور للأصحاب يكون في الفرح، البنات يقفوا وراء العروسة عشان ياخدوا بوكيه الورد، أما الولاد يقفوا وراء العريس كي يعطونه حاجة، صاحبك اللي بيعرف يربط الكرافتة إمسك فيه، صاحبك اللي بيشوفك تاكل ويلف حواليك إحذر منه عشان ده زي القط الصعران.

وعن الفتيات قال، ما يحدث بين البنات وبعضهم، صاحبتك الجدعة هي التي لا تتحدث عليكي إلا في ظهرك مع فلانة وفلانة وفلانة فقط، الأصيلة تخطف منكي خمس اولاد إرتبطي بيهم ومن نصيحته، ممكن قبل ما تروحوا تشتروا حاجة إتفقوا الأول هتشتروا إيه، صاحبتك الوفية، هي عندما تقعي تقع ايضًا ولكن ضحكًا على منظرك، واضاف، الصاحبة لها لدى صاحبتها صور ممكن تضيع مستقبلها، وشات مليان فضايح، ولا تفرطي في صاحبتك اللي أهلك بيحبوها، واللي بتبتدي المكالمة بيازفتة ياحيوانة إعرفي إنك وحشاها جدًا ولو قالتلك ياحبيبتي إعرفي إنك هتوحشيها جدًا.