الالوان من اكبر العوامل اللى بتأثر و بتتأثر بالراحه النفسيه ..زي ما لبسك و مجياجك و عربيتك بيعكسوا شخصيتك و ذوقك , بس برضه ليهم تأثير غير مباشر على مزاجك و مزاج اللي حواليكى فطبعاً مش محتاجين نأكد اهميه الوان بيتك لانه مملكتك الخاصه اللي لازم تأسسيها صح , عشان تستمر صح
احمد عقرب -مهندس ديكور- بيأكد على اهميه الموضوع و بيقول اننا لازم فى الاول نفهم ان فى نوعين اساسين من الالوان
الوان دافئه و هي الاحمر و الاصفر و درجاتهم زى البرتقالى و السيمون..دي بتعكس الطاقة و النشاط و الحيويه
مش شرط تكون طاقه ايجابيه معظم الوقت ممكن تدى طاقه سلبيه فى اوقات الانفعال و التوتر
اما بالنسبه للالوان البارده هي الاخضر و الازرق و درجاتهم زى البنفسجى مثلا …بتعكس الهدوء و الاتزان و العقلانيه
ممكن اوقات تدي احساس بالملل و الرتابة لكنها مفيده جداً فى اعطاء مساحه للغرفه و تستحب في الغرف ذات الاضاءه الطبيعيه
فى فئه تالته من الالوان , الا و هي الالوان الكلاسيكيه او المحايده زى الاسود و الابيض و الرمادي
و دي مريحه فى استخدمها لانها بتتماشى مع معظم الالوان و الاذواق لو بتفضلى الاسود او البني ممكن تستخدميهم فى مناطق خاصه مع اثاث او لمسات ديكور توضحهم
بيقترح الالوان الترابيه كلون عام لانهم مناسبين لحالات الجو هنا و لانها فاتحه و خفيفه فهى بتمتص الاضاءه و تعكسها سواء طبيعيه او صناعيه و البعد عن الالوان الغامقه لانها بتمتص الاضاءه ولا تعكسها و ده بيعطى احساس عام بالضيق و بصغر المساحه
الاضاءه ليها علاقه هامه جداً مع الالوان و الشكل العام للمكان … و من اجدد الافكار الان فى مجال الديكور … اضاءه LED
و دى نوعيه اضاءه بالوان مختلفه , هي اللى بتقوم بعمل الالوان و تأثيرها , سواء مع خلفيه بيضه او مناسبه مع لون الاضاءه
[portfolio_slideshow]
Comments are closed.