سخر الإعلامي أكرم حسني، الشهير بـ«أبو حفيظة»، اليوم الخميس، من تخطي عدد سكان مصر حاجز الـ90 مليون نسمة، قائلًا: «أخيرًا الشعب المصري نجح في تحقيق طموحه إنه يبقى من الشعوب المنتجة، لكن للآسف بدل الإنتاج ما يكون زراعي أو صناعي، الشعب ركز أوي في نوع واحد من الإنتاج، وهو إنتاج العيال الصغيرة».
وأضاف أبو حفيظة، خلال برنامجه «أسعد الله مساءكم من جديد»، عبر فضائية «إم بي سي مصر»، «أول شيء يفكر فيه الشاب أو الفتاة في الزواج هو الخِلفة، بتوصل إنهم بيسموا الولد (ياسين) والبنت (ماليكة) من أول مكالمة تليفون بينهم، عندنا في مصر البحر بيحب الزيادة، لكن في الموضوع ده البحر بيقلب تسونامي».
وتابع: «لازم نفكر بعقلانية شوية كل ليلة خميس، ولو الأب والأم مفكروش واجب على الابن إنه هو اللي يفكرهم، كفاية ليلة الخميس بقينا 90 مليون».
Comments are closed.