بالفيديو.. ريهام سعيد تنسحب على الهواء: «البنى آدم فى مصر مالوش قيمة»

قررت الإعلامية ريهام سعيد، الإنسحاب على الهواء، خلال حلقة الاثنين من برنامج “صبايا الخير” الذى تقدمه على قناة النهار، وذلك حدادًا على كارثة ستاد الدفاع الجوى، التى راح ضحيتها 19 مشجع من جمهور الزمالك، خلال لقاء فريقها امام إنبى مساء الأحد.

وقالت ريهام سعيد، البنى آدم فى البلدى دى مالوش قيمة ” أنا إبنى زملكاوى واتخيلت إنه فى نفس الموقف، أقسم بالله العظيم إن إدارة القناة ما تعرفش إنى مش هكمل الحلقة، انا أسفة هنسحب على الهوا، وهحط نفسى مكان أى أم إبنها مات إمبارح، مش عارفة إحنا ليه مش عاملين حداد بعد ما أكتر من 20 بنى آدم ماتوا إمبارح”

الإعلامية المصرية أكدت قبل انسحابها قائلة: “أنا مش هاتكلم كتير النهاردة، ولكن هحط نفسي مكان أي أم مات أولادها، عايزين تحقيق شفاف، وأقسم بالله العظيم إدارة القناة متعرفش إني هنسحب ومش هاكمل الحلقة، رغيت كتير، ومحدش سمع حاجة، آسفة هنسحب على الهوا، أنا جيت علشان أقولكم أنا مش خايفة وأقول كلمة حق، اللي هيقول إني أُووفر وبأمثّل ده مش حقيقي، النهاردة مينفعش أقدم حلقة وأقول حاجة.. فيه أرواح راحت لا هي على جبهة ولا رمت مولوتوف، ناس رايحة تتفرج على ماتش كان ممكن يبقى ابني، أنا آسفة مش هاكمل وهانسحب”.