بالفيديو.. سعد الصغير مهاجمًا تامر أمين: بتيجي تسهر عندي وكل يوم معاك واحدة

نفى المطرب الشعبي سعد الصغير، زواجه من الراقصة شمس، مؤكدًا أن هذا الكلام شائعات وليس حقيقي.

وأضاف خلال لقائه في برنامج “الليلة دي” مع الفنانة أروى على شاشة CBC  قائلًا: “لو اتجوزت على مراتي ابقى ابن حرام”.

وعن مهاجمة الإعلامى تامر أمين، له حول أزمه الطفلة التي تبنتها شمس أوضح قائلًا: “مذيع معروف يتكلم بالشكل ده ومن غير ما يكون في محضر رسمي، واللي يتكلم عن القيم والأخلاق لازم يكون راجل بتاع ربنا ويعرف القيم والأخلاق”.

وتابع قائلًا: “يا تامر ده أنت مش بتيجي تسهر إلا عندي وكل يوم معاك واحدة وبتكلم عن القيم والأخلاق”.

واستكمل حديثه قائلًا: كنت أنا وشمس في دار ايتام، ودخلت ست ومعها طفلة وقالت دي لقيطة وطلب مننا مدير الدار ناخدها نعالجها، راحت خدتها شمس وعالجتها، قالولنا خلوها معاكوا شمس قالت هخليها معايا وفضلت معها 4 سنين، بقت زي بنتها، بعد كدة جاء مدير الدار يطالب بالبنت، وخدت شمس حكم خمس سنين، رحت عملت إعادة إجراءات للقضية.