قال الإعلامي عمرو أديب، مساء السبت، إن دولة قطر تُنفق 180 مليون ريال سنويًا على قناة «الجزيرة»، مضيفًا: «ماذا تريد قطر وقناتها الجزيرة مننا، يعني لو إحنا بقى عندنا مشكلة في سد النهضة ومجاش عندنا مياه تاني.. الأمير تميم هيكون مبسوط،. الشعب القطري هيكون موقفه إيه، والله ليس لدينا مشكلة مع المواطن القطري، لكن إحنا بندافع عن بلدنا، الجزيرة تستهدفنا بشكل واضح وصريح ولا نعرف السر في ذلك».
وأشاد أديب، خلال برنامجه «القاهرة اليوم»، عبر فضائية «اليوم»، بتحطيم وزير الخارجية سامح شكري، ميكروفون قناة «الجزيرة»، الذي تم وضعه أمامه عند إلقاء البيان الختامي لاجتماعات سد النهضة بالعاصمة السودانية الخرطوم، قائلًا: «القناة دي الوحيدة في العالم التي تخرج من دولة لتهاجم دولة أخرى، الدكر بتاعنا لما يرمي الميكرفون بتاع القناة فهذا شيء طبيعي جدًا».
وتابع: «الدولة المصرية ثابتة على الأرض زي النخلة، إحنا أقدم دولة في العالم، إنت مين يا ابن امبارح، إرحموني يا جماعة، إحنا عايزين نعيش، إحنا تعبينكم في إيه، بتشتغلوا لحساب مين، لو لحسابكم تبقى مصيبة، هل ده في الإسلام أو العروبة، إنتوا ليه بتعملوا كده».
Comments are closed.