طلبت إدارة شركة بيبسي العالمية من إدارة قنوات النهار انها ما تتعرضش لمحتوي برامج محمود سعد وحسين عبد الغني وأن اي مضايقات
لاي حد منهم هتضطر إدارة شركة بيبسي انها تلغي التعاقد مع قناة النهار واللي بيوصل لـ 45 مليون جنيه سنويا منهم 15 مليون جنيه لمحمود
سعد و10 مليون جنيه لحسين عبد الغني والباقي للقناة وهتقوم بيبسي بعرض إعلاناتها علي الشاشة بالشكل اللي هي عايزاه.
وأكدت إدارة الشركة للقناة في اتصالات بينهم أنه في حالة التدخل من أي شخص في القناة في محتوي برامج الإعلاميين الكبار مرة تانية هتقوم
الشركة بإلغاء التعاقد ونقلهم لقناة تانية فورًا أما في حالة استقرارها بالنهار فهيتم تجديد التعاقد الإعلاني لمدة تانية بزيادة توصل لـ 10 مليون
جنيه ويبقي اجمالي العقد 55 مليون جنيه في السنة الواحدة.
من المعروف أن بيبسي العالمية هي اللي بتدفع رواتب الإعلاميين الكبار محمود سعد وحسين عبد الغني في إطار البرتوكول والتعاقد مع قناة النهار واللي بيتضمن التعاقد بين الطرفين ان يكون العقد الحالي بـ 45 مليون جنيه
سنويا شامل اجور المقدمين والإعلانات.
Comments are closed.