بعد إعلان الكثير من رجال الأعمال والفنانين والإعلاميين، عن استجابتهم لمبادرة الرئيس عبد الفتاح السيسي، وتبرعهم لصالح مصر، شدد الإعلامي المصري تامر أمين على أهمية وجود شفافية، والتأكد من تبرعهم الفعلي.
تامر قال إنه خدع كثيرا في بعض الناس، الذين يعلنون عن تبرعهم في الإعلام، وفي الواقع لا يتبرعون، حيث قال: «من امبارح لحد النهاردة شوفنا ضرب نار في فرحنا، كله بيتبارى وبيقول أنا هتبرع بكذا، وأنا هتبرع بكذا، وأرجو إن الناس دي تتفقس، لازم نعرف بعد كده مين اللي صدق في كلامه، ومين اللي كلامه كان بمب وطلع علشان ياخد على قفانا سوكسيه، إحنا ياما اتقرسنا من الحكاية دي، وياما شوفت ناس طق حنك».
وأضاف – في برنامجه «من الآخر» على قناة «روتانا مصرية»-: «هتشوفوا مليارات يتم التبرع بها على شاشات الإعلام، وهتلاقوا الحساب في الآخر بالآلاف، اللي حطها الغلابة وكل برغوت على قد دمه، لكن البرغوت أبو ملايين ومليارات معندوش دم، والبرغوت اللي معندوش دم ملوش إلا الشبشب».
Comments are closed.