خطوات تنظيم التسريحة

خطوات تنظيم التسريحة

1. نبتدي بالدرج السفلي من التسريحة لانه دايما بيكون مليان على الفاضي دايم وياخذ مساحة بدون اي فائده وتلاقيه مليان مفاتيح ملهاش لازمة اقلام علب فاضيه مالاخر اى كراكيب وخلاص

فا اول حاجة نعملها انه نفضي الادراج من كل شي
ونحط اللى فيها على جنب .

2. الحجات اللي طلعناها من الدرج نشوف ايه الحجات اللى مبنستخدمهاش ونطلعها ونرمي الاشيا التالفة او اللي مالهاش لزمة ونرمى يعنى بلاش كلمه خسارة وبتنفع بتاعت المصريين

3. نقوم نجيب فرشاة ناعمة وننظف الدرج من الأشياء اللي اللازقة فيه او الغبار ونفرش فيها مفرش بلاستيك بالوان جميلة وانثوية
ونحاول نرتب الحجات بالاولوية واللي هنستخدمها داايما تكون باول درج .
مثلا الرج الاول خليه للمكياج والمشط البنس توكة الشعر الدبابيس
الدرج التانى خليه للتوك والاكسسورات ولو فى ادراج تانيه يبقى نحط فيها مثلا ماكينة ازالة الشعر السيشوار وهكذا
المهم منخليش فيها كراكيب على الفاضى خليها تنبض بانوثتك

4. وبكذا نكون خلصنا من ترتيب أدراج التسريحة .

5. نبتدي بترتيب شكل التسريحة وناخذ أهم الحجات عندك زى البرفان اللي تستخدميه حاليآ وكم حاجة من مكياجك
البرفانات مترصهاش زى عساكر الجيش لا رصيهم رصه ناعمة ومرتبه والمكياجات نفس الكلام لكن مترصيش كل مكياجك برة خللى الضرورى بس
وممكن كمان نحط على التسريحة علاقة الأكسسوارات علشان تديها شكل أنثوي وجمالي أكثر
ممكن بقطعه زى العقد اللولوى نلفها على البرفان لشكل جذاب
وممكن كمان تجيبى علبه شفافة وتحطى فيها اقلام العيون وتحديد الشفايف علشان يسهل عليكى تجميعهم واي شي انتي تفضلينه
لو فى ادراج على الناحية التانيه مثلا خصيصيها لجوزك خللى فيها برفاناته وجيل الشعر مزيلات العرق وباقى الادراج ممكن تحطى فيها شاحن موبايله. مفاتيحه ,شراباته
كرسى التسريحه بلاش تحطى عليه البطانية والمصليه والهدوم حطي قدام التسريحة وخلي شكله مرتب
والقزاز دايما حافظى على لمعانه ونضافته
وممكن كمان بالستراسات اللى بتتلزق على الجسم تحطيها على الزجاج بشكل جميل