فول بالزبد والسمسم وعجة بالبسطرمة للسحور

وصفة سحور

By jojo2 On Jul 23, 2012

المكونات:

كوب فول مدمس.

ملح وفلفل أسود (حسب الرغبة).

3 ملاعق كبيرة زبد.

ملعقة صغيرة سمسم.

الطريقة:

1. يسخن الفول وينقل فى صحن للتقديم.

2. يذاب الزبد على نار هادئة حتى يسخن.

3. يضاف الزبد الساخن إلى الفول.

4. يتبل بالفلفل الأسود والملح والسمسم.

– عجة بالبسطرمة

وصفتنا سهلة وبسيطة، تقدري تعمليها لعيلتك على السحور..

عجة بالبسطرمة
المقادير:
4 : 5 بيضات
ثمرة طماطم
⅛ كيلو بسطرمة
ثمرة فلفل أخضر
2 ملعقة كبيرة جبنة كريمي
2 ملعقة كبيرة جبنة شيدر مبشورة
2 ملعقة كبيرة زيتون أخضر وأسود مقطّع
ملح وفلفل وكمون

الطريقة:
1- قطّعي الطماطم والفلفل الأخضر مكعبات صغيرة، وضيفهم على البيض بعد ما تضربيه كويس أوي.

2- بعد كده ضيفي قطع البسطرمة والزيتون للخليط وقلّبيهم كلهم كويس، وممكن تزوّدي كمية البسطرمة والزيتون على حسب رغبتك.

3- ادهني صينية بالزيت أو بالزبدة، وحطّي الخليط فيها، ورشّي عليه من فوق الجبنة الشيدر والجبنة الكريمي.

4- بعد كده حطّي الصينية في الفرن لمدة 15 : 20 دقيقة لحد ما تستوي.. وبألف هنا وشفا.

وبكده تكون خلصت وصفتنا النهارده..
استنونا بكرة مع وصفة جديدة..
يااااريت تجرّبوها وتبعتوا لنا تقولوا لنا على اقتراحاتكم..
سلاااااام،،،