روت إحدى الفتيات، وتدعى “شيماء نور الدين”، معاناتها مع زواج القاصرات، قائلة: “أنا اتجوزت وأنا عندي 15 سنة، وأهلي كانوا مُصرّين يجوزوني لأول عريس يتقدملي علشان خايفين عليا، وأنا كنت صغيرة ومش فاهمة حاجة وفرحت بالفستان الأبيض، لكن كنت غلطانة”.
وأضافت “شيماء”، خلال لقائها أمس ببرنامج “كلام في سرك”، المذاع عبر فضائية “الحياة 2”: “ليلة الدخلة أنا مكنتش فاهمة حاجة، ولقيت ضرب ومهانة، ومعاملة سيئة، ووقتها حسيت فعلًا إن هما جم عليا، من أول أهلي لحد جوزي، اللي كان أكبر مني وقتها بـ20 سنة”.
وتابعت: “لما فكرت إني أسيبه، كنت خلفت منه طفلين، وبقى الموضوع صعب جدًا، بس لما الموضوع زاد ماستحملتش، وقررت إني أسيبه، وأنفصل عنه، وهو ده اللي حصل”.
جدير بالذكر أن نسبة زواج القاصرات في مصر، قد تراجعت من 25% في عام 2013، إلى 19% في عام 2014، حسب دراسة أجراها مركز بصيرة.
Comments are closed.