ماسك تفتيح سريع وفوري!!

شوفان صحيح مش مطحون – لبن بودر اي نوع – زبادي اي نوع – طبق نضيف وناشف – معلقة للتقليب ويفضل لو المعلقة و الطبق بلاستيك مش من اي معدن.

التجهيز

1- هناخد معلقة واحدة بس من الشوفان ونحطها في الطبق.

2- هنضيف اللبن البودر علي الشوفان ونسيبهم من غير تقليب (معلقة واحدة وبس لبن بودر).

3- هنضيف الزبادي تقريبا معلقة ونص (بنتي اللي كانت بتضيف الزبادي وكملت باقي العبوة بالهنا والشفا).

4- بس كده هنقلب الخليط كله علي بعضه كويس قوي لحد ما يمتزجوا خااااااالص.

5- باستعمال الفرشاة او ضهر المعلقة افرديه علي بشرتك وسيبيه نص ساعة بالكتير او لحد ما ينشف و بشرتك تشربه تماما

هتشيليه مش بالغسيل لا No ( قلت لكم لا بالتلات لغات اهه)

هتجيبي فوطة قطن وتبلليها ميه دافيه وتمسحي الماسك من علي بشرتك بلطف كده باستعمال الفوطة ولما تشيليه خالص تقدري تشطفي بشرتك وتنشفيها.

و ابقي عرفيني عمل معاك..ايه.

الاستعمال ومحاذير الاستعمال

باذن الله لا يوجد محاذير استعمال نهائيا.

مناسب لكل انواع البشرة ومناسب لكل الاعمار والاوزان والاشكال.

ومتوفر بكميات لطلبات الجملة.

عشان الماسك يجيب معاكي تاثير مش هوصيكي المهم اننا نستعمل الزينة والتجمل فيما يرضي الله تعالي فقط وهو باذن الله هينور وجهنا بنور الايمان والطاعة متعة زي مانتم عارفين.