سلمى صباحي ترد على هجوم عمرو مصطفى برسالة عنيفة

ردت الإعلامية المصرية سلمى صباحي على هجوم الفنان عمرو مصطفى عليها، وذلك بعد أن نشرت على حسابها الخاص على «الفيس بوك» أغنية «بشرة خير» التي قام بتلحينها، مشيرا إلى أنه لا يحب والدها المرشح الرئاسي، حمدين صباحي، وأن هذه الأغنية يقصد بها منافسه المشير عبد الفتاح السيسي.

سلمى وجهت رسالة لعمرو، قالت فيها: «مش عزيزي عمرو مصطفى.. معلش مقدرش أقول عزيزي لحد مش عزيز عليا فعلا! ليه بتجر شكلي!! دانا لسه بشكر في الغنوة!!.. أنا عارفه إن الغنوة لحنك وعارفه انك مؤيد للسيسي وعارفه انك مبتحبش حمدين وواثقة انك مابتحبوش “عن جهل” زي بالظبط مانت مش عارف بيشتغل ايه “عن جهل”، بس ده مالوش أي علاقة بأن الغنوة فعلا عجبتني الفن بالنسبالي أنقى وأرقى من التوجهات والاختلافات ومانكرش إن اللحن اللذيذ اللي شبه كل ألحانك المنحوتة عجبني برضو.. أنت معروف عنك من أيام الجامعة أصلا انك “نحيت” شاطر بصراحة».

وتابعت: «في كل الأحوال أنا شايفة إن الانتخابات مش مفروض تخسر الناس بعض، أكيد مبتكلمش عني أنا وأنت لأننا أصلا مش صحاب، أنا ليا أصدقاء بحترمهم جدا منهم أيمن بهجت قمر هو مؤيد للسيسي لكن عمر ده ما خلانا نجرح في بعض ولا نهين بعض لأن أنا مؤمنة إن كل واحد حر في اختياره طالما عارف هو بيختاره ليه.. بالنسبة بقى للبطء في الفهم أنا مش هرد على الجملة دي وبدعيلك ربنا يشيل الغشاوة من على عيونك وقلبك وضميرك عشان تعرف تشوف الحقيقه صح.. وفي الآخر ربنا يولي الأصلح عشان أهم حاجه مصلحة بلدنا».

يذكر أن عمرو قد وجه لها رسالة قائلا: «عزيزتي سلمى صباحي، أنتي عارفة إني مبحبش بابا ومش عارف هو بيشتغل إيه، وأغنية بشرة خير لحني على فكرة، وطبعا لحني تبقى تحيا مصر، فاهمة ولا الفهم بطيء زي بابا؟».