عمرو أديب: السيسي مش كاسر عينيا

أبدى الإعلامي المصري عمرو أديب استيائه الشديد ممن يقولون أن المصريين مجبرين على اختيار المشير عبد الفتاح السيسي لرئاسة الجمهورية، كما استنكر دعوات البعض للنزول لشكر السيسي لقبوله الترشح

أديب قال: «هو السيسي كاسر عينا؟!، هل الشعب المصري مثلا عليه كمبيالات للسيسي؟!، إحنا مش مجبرين إننا نختار السيسي، طب ما ينزل أي حد تاني المسألة مش مقفولة، أستاذ هيكل قال إن السيسي رئيس الضرورة، في ظروف وضرورات كتير تجيب السيسي رئيس، انتوا ليه بتكلمونا إن السيسي علينا حق؟، ده النهاردة محدش بيتشتم في مصر قد السيسي، هو مش حاطط مسدس في دماغي، مش عايزه بلاش».

وأضاف –في برنامجه «القاهرة اليوم» على قناة «اليوم»-: «وتألمت جدا من الناس اللي قالت انزل يوم الجمعة بلغ السيسي شكرك إنه رضي يرشح نفسه، إيه المهانة دي؟!، هو يا كده يا كده؟!، الشعب ده مبيعرفش يعبر عن نفسه خالص؟!، هنشكره على إيه؟!، هو إحنا قولناله لسمح الله هنشغلك شغلانة وحشة؟! ده إحنا عاوزينه رئيس لجمهورية مصر العربية، لازم المسائل تتحط في سياقها».