شن الإعلامي المصري عمرو أديب هجوما حادا على الكاتب الصحفي والروائي علاء الأسواني، وذلك بعد تصريحات الأخير بأن الانتخابات الرئاسية القادمة تذكره بانتخابات عام 2005، وأكد على أنه سيتم تزويرها.
أديب قال: «فلول الإخوان عايزين يركبوا على رقبتنا، هو إيه الابتزاز اللي إحنا فيه ده، ما تسيبوا الناس تقرر، في إيه يا دكتور علاء ما تدي البلد فرصة، د هانت كنت بتنادي بفرصة لمرسي، لما ولاد البلد يدخلوا الانتخابات مش عايز تديهم فرصة؟!، اعصر على نفسك لمونة يا أخي، ده انت ياما عصرت لمون يا أخي، ده انت هرتنا لمون جبتلنا حموضة، ما تستنى تشوف الانتخابات ويكسب اللي يكسب، اشمعنى مرسي كان حلو على قلبك».
وأضاف –في برنامجه «القاهرة اليوم» على قناة «اليوم»-: «السيسي ده لولاه كان زماني أنا وانت في زنزانة واحدة، التزوير ده بيبقى محتاجه حد مالهوش ظهير شعبي، هل السيسي معندهوش ظهير شعبي؟!، المفروض بعد موضوع الإخوان ده تسكت بقى وتقعد في حتة ناشفة، انت رشقتنا في الحيط المرة اللي فاتت متفتحش بقك بقى المرة دي، طلعت مبتفهمش مش عيب، بس متجيش النهاردة تركب تاني».
Comments are closed.